Qeyri adi hava gəmiləri

Təyyarələr haqqında fikirləşdiyimizdə, ilk ağlımıza gələnlər, sərnişin daşıyıcı, bombardman, qırıcı, özəl jetlər və sair olur. Bəs heç insansız hava gəmilərini, xüsusi məqsədlərlə istifadə olunan apparatlar haqqında düşünmüsünüzmü? Bunlar – can qurtarma servisləri, inşaat, kəşfiyyat eləcə də gələcək aviasiya tarixində öz yerini tutacaq uçan aparatlardır.

Bu günkü məqaləmizdə , keçmişdən bu günə qədər var olan 8 ədəd qeyri adi, xususi məqsədlər üçün yaradılmış hava gəmiləri haqda danışacağıq. Bu gəmilərin hər birisi aviasiya tarixində xüsusi yerə malikdir.

1- Beluga A300-600ST (Super Transporter)

Bu təyyarə Airbus firması tərəfindən istehsal olunur. Təyyarə parçalarını bütünlüklə (gövdə, kokpit, qənədlər) daşımaq üçün yaradılmışdır. Beluganın uzunluğu 57 metrə bərabər olub, 47 tonn yük qaldırma qüvvəsinə malikdir. Cəmi 5 ədəd var olan Beluganın mənzili isə 900 (~1500km) dəniz milinə bərabərdir. İlk Beluga 1995 ildə havalanıb. Təyyarənin xüsusi dizaynı sayəsində, ön tərəfi tamamilə açılır. Açılan bu bölgədən ən geniş təyarə detalları belə rahatlıqla Beluganın gövdəsinə daxil ola bilir.

Qeyd etmək lazımdır ki, Airbus firması 4 ölkə tərəfindən istehsal olunur. Bunlar : Fransa, Almaniya, İngiltərə və İspaniyadır. Bütün parçalar (gövdə, kokpit, qənədlər, şassi) vahid mərkəzə məhz Beluganın sayəsində toplanılır. Bu təyyarə İtaliyadan – ABŞ-a kosmik apparatların detallarını daşımış, bir neçə ticari reysləri müvəffəqiyyətlə tamamlamışdır. Eləcə də, hərbi vertolyotların, təhlükəli maddə və mayelərin, hətta sərgi üçün böyük şəkillərin daşınmasında bu təyyarənin rolu əvəz olunmazdır. Ardı->>>

Reyslərin gecikməsi

Artıq yaz ayları başlayıb.  Soyuq və məşəqqətli  qış aylarını isə geridə qoymuşuq. Hər sahədə olduğu kimi, aviasiya sahəsində də qış ayları bir neçə sistematik problemləri bərabərində gətirir. Bunların ən başında isə sərnişin reyslərinin gecikməsi durur. Bugün gecikmələrin səbəblərini konspekt bir şəkildə başa salmağa çalışacağıq.

Bir havayolu şirkəti üçün ən böyük anti-reklam xarakterli hadisə – Reyslərin gecikməsidir. Bu eləcə də sərnişinlər üçün çox başağrıdıcı bir mövzudur. İstər bort servis, istər uçuş əyləncə sistemi, istər kasıb menyu, istər bələdçinin zövqsüz uniforması – bunların heç biri, havayolu şirkətinin prestijinə, reyslərin gecikməsi qədər zərər gətirə bilməz.

Bəs reyslərin gecikməsi nədən qaynaqlanır? Bunun bir neçə səbəbi ola bilər. Beləki : Ardı->>>

Yeni Dünya Rekordu

ABŞ – Californiya Universiteti tələbəsi və eks futbolçu Joe Ayoob, hazırladığı kağız təyyarə ilə dünya uçuş rekordu qırıb. Beləki, onun hazırladığı təyyarə, 69 metrlik bir məsafəni qət edərək yerə enib.

Yarış Californiya McClellan Hərb Hava Qüvvələri bazasında keçiririlib. Yeri gəlmişkən qeyd etmək lazımdır ki, elə bu bazada, 2003-cü ildə 63 metrlik uçuş ilə dünya rekordu əldə edilmişdi.

Həqiqətən də, 69 metrlik bir uçuş üçün çox dərin aerodinamik məlumata hakim olmaq və bacarıqlı bilək sahibi olmaq gərəkdir. Təbriklər :

Azadlığı hiss et !

Insan hər zaman uçmaq niyyəti ilə yeni ixtiralar icad etmiş, daim kürəmizə  quş baxışı göz gəzdirməyin yeni yollarını axtarmışdır. XVII əsrdə ilk uçan türk olaraq qeydə düşən şəxsiyyət Hazarfən Əhməd Çələbidir ki, icad etdiyi  qənədciklər vasitəsi ilə, İstanbul Galata qulləsindən uçuşa başlayaraq Bosfor boğazını keçmiş və Üsküdara enmişdir.

Günümüzdə isə yeni uçuş növləri, yeni tip paraşut və sərbəst uçuş kostyumları icad edilərək, maksimal adrenalin yaşamaq hədəflənir. Bu qısa videoda isə sizlər BaseJump, Skydive və Wingsuit atletlərinin məharətlərini görəcəksiniz. Beləki, arxanıza yaslanın, işıqları söndürün, video səsini son həddə kökləyib uçuşun keyfini çıxarın!

Təyyarə necə alınır ?

Dreamliner – 21-ci əsrin aviasiya möcüzəsi, tamamilə yeni texnika ilə təchiz olunmuş bir mükəmməliyyət abidəsidir. Bu tip, Boeing ailəsinin 767 sinfinin yeni əvəz edicisi olaraq planlaşdırılıb. Aviasiya tarixində bir ilk olaraq, bütün təyyarəni aliminyumdan deyil, kompozit maddələrdən istifadə edərək ortaya çıxarıblar.  Buda ki, nəticə etibari ilə, təyyarəni 20% daha yüngülləşdirib, texniki baxış maliyyətini isə %30 daha aşağı salıb. Texnikanın ən üstün yenilikləri ilə yanaşı, illyuminatorların da genişliyi diqqətimizi ilk baxışda cəlb edir  :

Bu fotoda Airbus 340 təyyarəsinin illyuminatoru ilə Boeing 787 Dreamliner illyuminatorunu müqaisə edə bilərsiniz :

Dreamliner uzun magistrallar üçün nəzərdə tutulmuş bir təyyarədir. Onun uçuş məsafəsi  16 min  kilometrdir. Çox rahatlıqla Sakit Okeanı keçib, 15 saatlıq bir uçuşu enmədən başa vura bilər. Ardı->>>

Related Posts Plugin for WordPress, Blogger...